Suna Hey Log Usey Aankh Bher Key Dekhtey Hain
To Us Key Shehr Main Kuch Din Theher Key Dekhtey Hain
Suna Hey Rabt Hey Us Ko Kharab Halon Sey
So Apney Aap Ko Barbad Ker Key Dekhtey Hain
Suna Hey Dard Ki Ghahk Hey Chasham Naz Us Ki
So Hum Bhi Us Ki Gali Sey Guzer Key Dekhtey Hain
Suna Hey Us Ko Bhi Hey Shair-O-Shairi Sey Shughaf
To Hum Bhi Mojzey Apney Huner Key Dekhtey Hain
Suna Hey Boley To Baton Sey Phool Jhertey Hain
Yeh Baat Hey To Chalo Baat Ker Key Dekhtey Hain
Suna Hey Raat Usey Chand Takta Rehta Hey
Sitarey Bam-Falak Sey Uter Key Dekhtey Hain
Suna Hey Din Ko Usey Titliyan Satati Hain
Suna Hey Raat Ko Jugnoo Theher Key Dekhtey Hain
Suna Hey Chasher Hain Us Ki Ghazal Si Aankhain
Suna Hey Us Ko Hiran Dasht Bher Key Dekhtey Hain
Suna Hey Raat Sey Berh Ker Hain Kaklain Us Ki
Suna Hey Shaam Ko Sye Guzer Key Dekhtey Hain
Suna Hey Us Ki Syah Chashmagi Qyamat Hey
So Us Ko Surma Farosh Aah Bher Key Dekhtey Hain
Suna Hey Us Key Labon Sey Gulaab Jaltey Hain
So Hum Bahar Peh Alzaam Dher Key Dekhtey Hain
Suna Hey Aaina Tamsal Hey Jabeen Us Ki
Jo Sada Dil Hain Usey Ban Sanwar Key Dekhtey Hain
Bas Ik Nigah Sey Lutta Hey Qafla Dil Ka
So Rah Rawan-E-Taman Bhi Dar Key Dekhtey Hain
Suna Hey Us Key Shabistan Sey Mutsil Hey Behshat
Maseeh Udher Key Bhi Jalwey Idher Key Dekhtey Hain
Rukey To Gardishain Us Ka Tawaf Kerti Hain
Chaley To Us Ko Zamaney Theher Key Dekhtey Hain
Kahaniyan Hi Sahi Sab Mughalbey Hi Sahi
Agar Who Khawab Hey To Tabeer Ker Key Dekhtey Hain
Ab Us Key Sheher Main Thehrey Keh Kooch Ker Jyen
Firaz Aao Sitarey Safar Key Dekhtey Hain

Tujh Sey Mil Ker To Yeh Legta Hey Aey Ajnabi Dost
Tu Meri Pehli Mohabbat Thi Meri Akhri Dost
Log Her Baat Ka Afsana Bana Detey Hain
Yeh To Duniya Hey Meri Jan Kye Dushman Kye Dost
Teri Qamat Sey Bhi Lipti Hey Amar Bail Koi
Meri Chahat Ko Bhi Duniya Ki Nazar Kha Gye Dost
Yad Aai Hey To Phir Toot Key Yaad Aai Hey
Koi Guzri Hui Manzil Koi Bhooli Hui Dost
Ab Bhi Aye Ho To Ehsaan Tumhara Lekin
Who Qyamat Jo Guzarti Thi Guzar Bhi Gye Dost
Terey Lehjey Ki Thakan Main Tera Dil Shamil Hey
Aisa Lagta Hey Judai Ki Gheri Aa Gye Dost
Barish Sang Ka Mousam Hey Merey Sheher Main To
Tu Yeh Sheeshey Sa Badan Ley Ker Kahan Aa Gye Dost
Main Usey Ehd-E-Shakan Kaisey Samajh Loon Jis Ney
Aakhri Khat Main Yeh Likha Tha Faqt “Aap Ki Dost”

Aik Deewana Yeh Kehtey Huwey Hansta Jata
Kash Manzil Sey Bhi Agey Kio Rasta Jata
Aye Merey Abar Gareezaan Meri Aankhon Ki Tarah
Ger Barasna Hi Tujhey Tha To Barasta Jata
Aaj Tak Yaad Hey------Izhar-E-Mohabat Ka Woh Pal
Keh Meri Baat Ki Luknat Pey Woh Hansta Jata
Itney Mehdood Karam To Taghaful Behter
Ger Tarasna Hi Mujhey Tha To Tarasta Jata

Chehray Pey Meray Zulf Ko Phelao Kisi Din
Kia Roz Garajtay Ho, Baras Jao Kisi Din
Raazon Ki Tarah Utro Meray Dil Men Kisi Shab
Dastak Pe Meray Hath Ki Khul Jao Kisi Din
Pardon Ki Tarah Husan Ki Bharon Men Naha Lo
Badal Ki Tarah Jhoom Ke Ghar Aao Kisi Din
Khushboo Ki Tarah Guzro Meray Dil Ki Gali Say
Phoolon Ki Tarah Mujh Pe Bikhar Jao Kisi Din

AAKHRI KHAT

Who Waqt Meri Jaan Bohut Door Nahi Hey
Jab Dard Sey Ruk Jyen Gi Sab Zeast Ki Ratain
Aur Had Sey Guzar Jye Ga Andoh Nihani
Thak Jyen Gi Tarsi Hui Nakam Nigahain
Chin Jyen Gey Mujh Sey Merey Aansoo Meri Aanhain
Chin Jye Gi Mujh Sey Meri Beykar Jawani
Shayad Meri Ulfat Ko Bohut Yaad Karo Gi
Apney Dil-E-Masoom Ko Nashad Karo Gi
Aao Gi Meri Gor Pey Tum Ashk Bahaney
Nokhez Baharon Key Haseen Phool Charhaney
Shayad Meri Turbat Ko Bhi Thukra Ker Chalo Gi
Shayad Meri Bey-Sood Wafaon Pey Hanso Gi
Is Waza Karam Ka Bhi Tumhain Paas Na Ho Ga
Lekin Dil-Nakam Ko Ehsas Na Ho Ga
Al-Qisa Mal Gham-E-Ulfat Pey Hanso Tum
Ya Ashk Bahati Ruho, Faryad Karo Tum
Maazi Pey Nadamat Ho Tumhain Ya Keh Musarat
Khamosh Para Soye Ga Damandah Ulfat

Paa-Ba-Gil Sab Hain Rihaai Ki Karey Tadabiir Kaun
Dast-Bastaa Shahar Main Kholey Merii Zanjiir Kaun

Mera Sar Haazir Hey Lekin Mera Munsif Dekh Ley
Kar Rahaa Hey Merey Fard-E-Jurm Ki Tahariir Kaun

Aaj Darvaazon Pey Dastak Jaanii Pahachaanii C Hey
Aaj Mera Naam Laataa Hai Merii Taaziir Kaun

Niind Jab Khvaabon Sey Pyaarii Ho To Aisey Ahad Main
Khvaab Dekhey Kaun Aur Khvaabon Ko Dey Taabiir Kaun

Rait Abhii Pichley Makaanon Ki Na Vaapas Aaii Thii
Phir Lab-E-Saahil Gharaundaa Kar Gaya Taamiir Kaun

Saare Rishte Hijraton Main Saath Dete Hain To Phir
Sheher Sey Jaatey Huwey Hota Hey Daaman_Giir Kaun

Merii Chaadar To Chheeni Thi Shaam Ki Tanhaai Ney
Beridaaii Ko Merii Phir De Gayaa Tashahiir Kaun

Dushmanon Key Saath Merey Dost Bhii Aazaad Hain
Dekhnaa Hey Keh Nchataa Hey Mujh Pey Pehlaa Tiir Kaun

Tumheen Jub Milaen Kabhi Fursataen, Meray Dil Say Bojh Utar Do
Main Bohut Dinon Say Udaas Hoon, Koi Shaam Mujhey Udhar Do
Mujhey Apney Roop Ki Dhoop Do, Ke Chamak Sakain Meray Khad-O-Khal
Mujhey Apney Rang Main Rang Do, Mera Sara Rang Utar Do
Meri Wahshaton Ko Barha Dia Judaiyon Key Azab Ney
Merey Dil Pe Hath Rakho Zara, Meri Dharkanon Ko Qarar Do
Kisi Aur Ko Merey Hal Say Na Gharaz Hey Na Koi Wasta
Main Bikhar Gia Hoon Samet Lo, Men Bigar Gian Hoon Sanwar Do
Wahan Ghar Men Kon Hey Muntazir, Kyon Fikar Ho Dair Sawer Ki
Bari Mukhtasir Se Yeh Rat Hey Isey Chandni Main Guzar Do

Sun To Sahii Jahaan Main Hey Tera Fasaana Kya
Kehti Hey Tujh Sey Khalq-E-Khudaa Ghaibaana Kya
Ziina Saba Ka Dhuundhti Hey Apni Musht-E-Khaak
Baam-E-Baland Yaar Ka Hey Aastaana Kya
Aati Hey Kis Tarah Sey Meri Kabz-E-Ruuh Ko
Dekhuun To Maut Dhuundh Rahi Hai Bahaana Kya
Betaab Hey Kamaal Hamaara Dil-E-Aziim
Mehmaan Saaraay-E-Jism Kaa Hoga Ravana Kya

Bandh Lain Hath Seeney Pey Saja Lain Tum Ko
Jee Main Ata Hey Keh Taweez Bana Lain Tum Ko
Phir Tumhain Roz Sanwarain Tumhain Berhta Daikhain
Apney Angan Main Chanmbeli Sa Laga Lain Tum Ko
Is Qadar Toot Key Humain Tum Per Pyar Ata Hey
Bher Lain Bahon Main Or Maar Hi Dalain Tum Ko
Kya Ajab C Khawahish Uthi Hey Hamarey Dil Main
Ker Key Faza Sa Hawaon Main Uchalain Tum Ko
Hey Tumharey Liyey Kuch Kuch Aisi Haqeeqat Dil Main
Apney Hathon Main Duwaon Sa Utha Lain Tum Ko
Yeh Khawahish Hey Merey Dil Ki Key Tumhain Khud Sey Zyada Chahain
Khushboo Ki Tarha Apney Man Main Basa Lain Tum Ko
Na Lagey Kisi Ki Nazr-E-Bad Tumhain Aye Merey Hamdam
Apney Dil Main Is Tarha Chupa Lain Tum Ko

na jane kyon mera kajal
jab bhi dekho ankhon mein
ab aksar phail jata hai
mein royee to nahen hon....
tum to jante ho in dino
bohat hi thand hoti hai
tab hi surkh hai naak meri
mein royee to nahen hon...
kaha to hai yonhi bas
bheega hai anchal ka kona
choro tum fikr mat karo
mein royee to nahen hon...
nahen udas kab hon mein
ziyada kaam ke bais
thakawat ho hi jati hai
mein royee to nahen hon...
eid ayee hai woh ab bhi
nahen ata to na aye
ab os ki yaad mein dekho
mein royee to nahen hon...
bata dena os ko jaa kar
koi khushfehmi na phaile
wesy hi surkh hain ankhen
mein royee to nahen hon...

Zindagi Main Sada Muskratey Ruho
Fasley Kam Karo Dil Milatey Ruho
Dard Kaisa Bhi Ho Koi Gham Na Karo
Raat Kali Sahi Aankh Nam Na Karo
Ik Sitara Buno Jagmagatey Ruho

good